Después di un tempo e furia di karting a start bek cu e prome careda pa e anya aki den categoria di 2 stroke junior, light y senior y categoria 4stroke Light y Heavy. Driversnan local ya no por warda mas pa asina demostra nan talento riba e pista profesional di karting na Bushiri Karting Speedway. 

Riba e dia aki ta bai tin tremendo bataya entre e coredor localnan di karting aki na Aruba pa asina disidi kende ta sali ganador na final di dia. 

Tambe tin un comeback duru den e categoria veloz cu ta e categoria di 2 stroke ! Aki ta bai tin sigur alrededor di 12 competidor den 2 stroke senior unda cu varios di e coredornan bieuw a bini bek den e deporte pa compety riba diadomingo. 

Careda lo start ya caba di 9:00 di mainta cu qualifying rounds y lo sigui te oranan laat di atardi, tambe ta bai tin dos Dino Jump di 7 Meter halto, Bar y Cushina bon surti y tambe musica y animacion pa entretene full e publico durante henter dia. 

Durante break tin oportunidad di Huur Go Kart y asina abo tambe por sinti e adrenalina di e deporte di karting. 

Esaki ta bai ta solamente e comienso di e temporada di caredanan cu ta bai tin na Bushiri Karting Speedway unda cu esaki lo start bek duru entrante diadomingo awo ! 

Ainda nos por corda aña pasa tabatin un total di 5 careda national cu tabata e exitoso Bushiri Karting Nationals cu a inagura caredanan di karting bek despues di basta tempo, aki un bon trabou a wordo hasi pa e organisadornan. Hasta por mira un relato di 2 pagina y potret di e careda aki den e revista international di Karting cu ta GoRacing magazine di luna di April cu a cabi sali poco tempo ey, bo por haya e revista aki na Bushiri Karting Speedway y esaki ta totalmente gratis unda cu un di e caredanan di Bushiri Karting Nationals a sali den esaki. Esaki ta un hopi bon logro pa cu e deporte di karting di Aruba unda cu eta haya un tremendo exposure den e mundo profesional y international di Karting, danki na organisadornan di Bushiri Karting Nationals y Bushiri Karting Speedway cu a tuma inisativa pa tuma contacto cu e revista aki y mandanan potret y relato pa asina e deporte di Karting local por a sali den GoRacing magazine vol.18 NO:4 April, 2013. 

Diadomingo awo e luga di careda ta bai ta Bushiri Karting Speedway pa e prome careda di karting national

Bin pasa un dushi diadomingo disfrutando di careda di karting y dunando bo sosten na e deporte di karting. 

Nos lo mira otro diadomingo awo, no perde…  

Pa mas información: 583-5278

*Diahuebs atardi pa 6:00pm ta bai tin un reunion cu tur e Kart Driversnan na Fuel Sports Bar & Grill situa na Bushiri Karting Speedway.