Durante e weekend di 15 y 16 di maart, Aruba Bodyboarding Association a organisa e di dos competencia di bodyboard y surf na Druif reef. Copa Selito Festival tawata e prome GRAND SLAM event combina cu un festival di musica cu diferente banda nan y DJ’s local. E condicion di lama tawata bon durante full e weekend, cu ola nan di 5-6 pia y biento fuerte. Diadomingo e condicion a bira un tiki mas mihor, y e atleta nan por a hasi mas maniobra den e ola nan. Esey a hasi cu e trabou di e juez nan no tawata uno fasil, pero e competidor nan fuerte a sa di destaca den e condicion nan cu lama a duna. Durante full e aña, e atleta nan ta acumula punto den nan ranking pa por competi den exterior. Copa Selito Festival tawata e prome fundraiser event pa 2014, pa ABA reucauda fondo pa por manda e atleta nan competi den exterior e aña aki. ABA kier gradici OTIS, CMB, SETAR, Glitz Casino, Lotto pa deporte, WEMA, Signarama, Aruba Tourism Authority, Playa Liquor, Kooltemp, Prosser, Compra, Ninjah Musiq, BULA Surf Shop Rush Aruba y Eco-Tech pa a hasi Copa Selito Festival un exito!

Resultado di Copa Selito Festival 2014:

Bodyboard JUNIOR: 1^st Joshua Kelly – 2^nd Jeanmarc Fingal – 3^rd Jayfrem Croes – 4^th Mourit van Dinter

Bodyboard OPEN: 1^st Jeremy Loefstok – 2^nd Naygel Kelly – 3^rd Anthony Wever – 4^th Chaim Alvares

Bodyboard WOMEN: 1^st Ebrina Curet – 2^nd Mirienne Rosario – 3^rd Monica Franken

Drop Knee: 1^st Ggregory Wouters – 2^nd Roduard Ferrier – 3^rd Jeremy Loefstok – 4^th Jayfrem Croes

Surf OPEN: 1^st Nelson Jr. Oduber – 2^nd Xenon Lacle – 3^rd Jeffrey Dijkhoff – 4^th Eric Bisslik

Surf WOMEN: 1^st Lea Mesker – 2^nd Tiziana La Torre – 3^rd – Jeneree Geerman – 4^th Savannah Hasham